حس بقى...............

حـــس بقـــــى



حس بقى زى الناس من حواليك



فوق من وهمك فتح عنيك



شوف وحس واعرف ايه الحقيقه



افهم بقلبك بعقلك اختار لك طريقه



اعمل ايه عشان تحس بيا



اعمل ايه عشان تشوف شوقى فى عنيا









هو لازم يعنى اقولك باعلى صوت انى بحبك



طب حس بيها حتى فى قربى منك



لو كان عليا كنت خدتك من ايديك فى حضن قلبى



وتعيش غرامك جوا منى تحس حبى








ايوة بعيد عن قلبك انا ودا يمنع



انك تحس بحبى ليك مقولتش تسمع



محستش مرة برعشه ايديا بين ايديك فى سلامى



مخدتش بالك ان اسمك كان اكتر كلامى






جرب كدا وافتح كتابى



هتلاقى صورتك منحوته فى كل اوراقه



معاك عمرى ماعملت حسابى



اديتك قلبى بحياته بكل اشواقه









عارف الناس من حواليك عرفوا انى بحبك



الشجر والمطر والحجر عرفوا انى حياتى منك



مش كفايه كل دا



محستش منهم بحبى انا








عاوزنى اعمل ايه عشان تحس بيا .... اموت



لو كان موتى هايحسسك موافق انى عمرك يفوت



على انى لحظه اعيش مرارة السكوت



ومش شرط انى احب باعلى صوت






بحبك هاتحس بيها دلوقت او بعدين



ودا مش غرور انا حبى اقوى من السنين



ومسيرك هاتحس بيا هايغبلك ويملاك الحنين






انا مش ملاك ولا ســـــاحر



ولا هاغصبك ولا عليك هاكون أمر



ولا نسيان هايكون على حبى قادر



انا عاشق وعشقى ليكى بحر ملوش اخر



حس بقى...!!

مشكورة رورو

على الموضوع الجميل



بجد الكلمات حلوة

دمتي بود