المشهد الاول
المكان :داخل حجرة المدير
الموقف: اجتماع لكل المدرسين وهيئة التدريس بالمدرسه
المدير:
شوفوا لكم حل مع تالته زفت سابع
جالنا كام انذار من الوزاره بسببهم وبسبب ان احنا مش عارفين نلمهم
وبكره جاي لينا موجه من الوزاره مخصوص عشان الحكايه دي
الاستاذ ملاواني:
يا حضرة المدير
انا شايف ان الفصل ده مش بيجي من ورا راسهم الا المشاكل والقرف وانا بقترح اننا نوزعهم علي المدارس اللي جنبنا ونخلص منهم ومن قرفهم.
رائد الفصل الاستاذ(رامي الحرامي):
يقول بتلقائيه ولا شعوريا: نفصلهم من المدرسه؟ ازاي وابطل انا دروس خصوصيه ؟ اقصد يعني انا عندي فكره هايله هتحسن صورتهم ادام الموجه وحخليه يئول إن كل الكلام اللي سمعه عنهم إشاعات.
المدير:
بس شوف ياحضرة : دي اخر فرصه ليك وليهم
والا فصلتهم كلهم واولهم انت
وهنشوف بكره هتعمل ايه فيهم ولا هيعملوا ايه فيك
المشهد الثاني
المكان:ارض المدرسه
الموقف:طابور الصباح
مشهد طابور المدرسة و الطلاب صافين والمدرسين والمديرمع الموجة
الاستاذ رامي ماسك الميكرفون في ايده وبيقول:
والان الإذاعة المدرسيه مع فصل تالته سابع.......وفي سره(ربنا يستر)
المدير بيقول للاستاذ ملاواني: رحنا في داهيه
الاستاذ رامي ده ملقاش غير تالته زفت ويمسكها الاذاعه والنهارده كمان؟؟
فصل تالته سابع طبعا عمالين يضحكوا ورايحين نحية الميكروفون وعمالين يضربوا بعض علي قفا بعض.
الاستاذ رامي ادي الميكروفون لمسعود ابو عمود وقاله:
زوي ماتفقنا يابني انت وهو اوعي تلخبطوا
الإذاعـة المـدرسـية :
مسعود ابو عمود بيجرب الميكروفون : الو الو ..
رفعت الفناجيلي واقف وراه وبيرد عليه: حول.....حول
يضحك ابو عمود وبعدين يكمل كلامه:مدير المدرسة الفاضل* أبائي المدرسين* إخواني العيال يسعدني ويشر......الاستاذ رامي يضربه علي قفاه ويقوله كمل ياله هتودينا في داهيه الله يخرب بيتك......
احم احم ... السلام عليكم ورحمة الله وبركاته خير ما نستهل به اذاعتنا لهذا اليوم ايات عطرة من القران الكريم يتلوها على مسامعكم الطالب: عبد الحميد عبد المجيد
عبدالحميد وقف وقري صورة الاخلاص وبسرعه جدا وبعدين رجع مكانه وقعد يضحك
مسعود: اما الان مع فقرة هل تعلم للطالب (محمود ابو العريف)
محمود ابو العريف:
هل تعلم إن للذبابة ستة أعين.
هل تعلم إن الفار يصيب بمرض الطاعون.
هل تعلم أن اذا قطعت شوارب الصرصار يقعد يخبط في الجدران
هل تعلم أن لكل قط برميل زبالة مخصص يسكن فيه وشكـرا.
مسعود :أما الان مع حكمة اليوم والطالب
اسو الحكيم:
جه اسو الحكيم ومسك الميك وبيدور في جيوبه علي الورقه اللي فيها الحكمه بتاعة اليوم......
اصحابه واقفين بيزغزوا بعض طبعا ومش فاضيين....
والمدير واقف عرقان هو والاستاذ ملاوني والموجه عمال يبص لهم شويه ولتالته سابع شويه
اسو الحكيم واخيرا لقي الورقه
ويقول: "حكمة اليوم " ويفتح الورقة ويقرا بصوت عالي " البضاعة المباعة لاترد ولاتسبدل"
عدد 4 فانله حمالات وعدد 5 كلسون وعدد 8 جوز شرابات مصري وعد......يضربه علي قفاه الاستاذ رامي ويقوله مش فاتورة هدومك ياغبي طلع الورقه اللي انا اديتها لك
الموجه عمال يبص اوي للمدير والمدير وشه جايب الوان
مسعود: اما االان مع نشيد الصباح والطا...موبايله بيرن
طلع مسعود موبايله وطبعا كان قريب من الميكروفون فطلع صوت اللي بيكلمه في الميكروفون وكان الحوار كالتالي....
مسعود رد : الو مين
لقي واحده بتقوله الو
بسرعه قام منعم صوته وقال: ممكن نتعرف ياجميل؟؟؟
اللي علي التليفون: انا امك تفيده يان الهبله......
العيال من وراه : الحق ياله انت وهو امه اسمها تفيده امه اسمها تفيده
الاستاذ رامي خد التليفون ولزقه علي قفاه : كمل يا بأف
احم...احم....
اما االان مع نشيد الصباح والطالب:
ابو كلسون عبد الرحيم:
وقف ابو كلسون ومسك الميك وقال:
احلي تحيه لتالته سابع اللي على البيست* و أحلـى تحيـة للموجه والمدير وأحلى تحية للوكيل بغيابـه
نشيد ياصديقي
يا صديقي عيب مش كده بتعض ليه ايدي
من بعد ماسعدتك وعليت علي ايدي
ياصحبي ترلم لم......ياصحبي ترلم لم
والفصل بتاعه وقف كله وقعد يرقص
ومسعود ابو عمود قام مطلع مطواه وقعد يرقص بيها
وابو كلسون عبد الرحيم قام مدي الميك لزميله اسو الحكيم
اسو الحكيم : روح روح صلييييييييي اهو اهو
وباقي طلاب المدرسه نزلوا رقص في الحوش
والعيال اللي ماسكه الموسيقي قلبتها حظ طبعا
والمطاوي شغاله علي ودنه
والمدير وكل الاساتذه طلعوا يجروا من المدرسه
والموجه ياعيني تلاته شايلينه وبيجروا بيه الله اعلم علي فين
وانتهي الفيلم علي مشهد الحظ اللي العيال عملته
الرئيسية 
