واحد ساب حبيبته

موضوع: واحد ساب حبيبته الأحد مارس 01, 2009 3:35 pm

امبارح اول مرة انام مرتاح
بجد نمت وانا مرتاح اوى
عشان امبارح اتخانقت مع حبيبتى
وسيبنا بعض

اول ما سبتها ومشيت
حسيت ان الدنيا كلها راحت مني
ما بقيتش شايف قدامى
يادوب وصلت للبيت وانا بزحف
المهم

رميت نفسى على السرير وانا بطلّع فى الروح

مش قادر مخنوق
مش طايق نفسى انا
حبيبتى خلاص راحت مش هترجع لى تانى
ولا هشوفها ولا هكلمها
مش ممكن ده انا اروح فيها

وفجأة

ايه ده؟ تمام

يعنى معنى كده مش هكلمها فى التليفون تانى؟
ده كده ح اوفّر بتاع 20 جنيه كل يوم

وكمان ح اوفّر من صحتى وتعب قلبى فى: كنتى فين.. ومالكش دعوة
ايه ده ايه ده؟
كمان مش هقابلها؟
يعنى مفيش مطاعم ولا كافيتريات
ولا مؤمن ولا جاد؟ Laughing

ياااااااه
ده كده عظيم
كمان مفيش ماما عايزة تقابلك وتشوفك big Smile

ومافيش قلق ولا خوف من ابن الحلال اللى هييجى ياخدها ويطير
ولا غيرة
ولا شك
ولا تقل
ولا خفة
ياااااااااااااااااااااه تمام

انا فرحان.. والله فرحان اوى

ياااااااااااه على البنى ادم
تبقى راحته قدامه ويدوّر على تعبه

انا كده خلاص لقيت راحتى ومش هتنازل عنها ابدااااااا
ياااه.. انا كده سلطان زمانى
اما اقوم اعمل كباية شاى نااار