في مدرس يدرس في المرحلة الابتدائية سأل أحد الطلاب
طير بيتكلم وأول حرف منه الباء ؟
فرد عليه الطالب وبسرعه : الببغاء
فقال : ممتاز . اسمك اية؟
فرد : أحمد
سأله المدرس: أبوك بيشتغل اية؟
رد الطالب : دكتور
فقال المدرس : شايفين ولاد الدكاتره ؟
راح المدرس سأل سؤال ثاني : حيوان بطيء وأول حرف في اسمه السين ؟
فرد أحد الطلاب : سلحفاة
يرد المدرس : ممتاز .. اسمك أية؟
فقال : وائل
أبوك بيشتغل اية؟
رد الطالب : مهندس
فقال المدرس : شايفين ولاد المهندسين
بعدها سأل المدرس السؤال الثالث : طائر له جناحين ... ما هو ؟
فرد أحد الطلاب و بسرعه : تمساح
فيقول المدرس : شايفين الغبي دة
اسمك أية ياغبي؟
ردالطالب : خلف
أبوك يشتغل أية ياغبي؟
رد الطالب : لواء امن دولة
ردالمدرس : بص يا حبيبي هو التمساح بيطير بس مش كتير ولو شد حيله
حيطير أعلى
-------------------------------------------------------------------------------------
مره واحد حرامى دخل على واحد ومراته يسرقهم قال
للست اسمك ايه قالتله مديحه قالها مش هقتلك عشان اسمك زى اسم امى وقال للراجل اسمك ايه قاله فوزى وبيدلعونى وبيقولولى يا مديحه
---------------------------------------------------------------------------------------
واحد مسطول ماشى فى الشارع لقى عمود نور مكتوب عليه
شقة للبيع قعد يخبط يخبط ماحدش فتح جيه مسطول تانى بيقوله فيه ايه قاله وانا ماشى لقيت على العمود مكتوب شقة للبيع قعد اخبط ماحدش رد المسطول التانى قاله غريبة مع ان الجماعة منورين النور فوق
-----------------------------------------------------------------------------------------
واحدمصري شاف السيارات في السعوديه عليها صورة الملك ومكتوب عليها صقر العروبه راح مصر لصق صورة حسني مبارك وكتب عليهاسبع البرمبا.
(ربنا يستر بقي .... مش تنسوني في العيش والحلاوه)
----------------------------------------------------------------------------------------
صعيدى قابل واحده اجنبيه سالها
انتى منين قالتله: وات ؟ what ?
قالها: اجدع ناس الوتاوتة
-------------------------------------------------------------------------------------------
سأل الرئيس وزيره : كيف حال الشعب بعد ما غلّينا العيش ؟
فقال : يا سيدي بياكل زفت
فقاله : طيب غلي الزفت
---------------------------------------------------------------------------------------------
مرة واحدة ست خلفت اتنين توأم سمت واحد منهم بوش والتانى بن لادن كانو شبه بعض لدرجه ان ما فيش حد يقدر يفرقهم من بعض واحدة جارتها سالتها امال انتى بتعرفيهم من بعض ازاى ردت عليها وقالت لها سهله جدا انا كل ما انادى على بن لادن الاقى بوش عملها على نفسه هههههههههههه
------------------------------------------------------------------------------------------------
اتنين مساطيل اتفقوا انهم يسرقوا العماره اللى قدامهم فالحرامى الاول اقترح انهم يزقوا البيت الى مكان بعيد وفاضى علشان يسرقوا براحتهم فخلعوا ملابسهم وفضلوا يزقوا فى البيت فات من جنبهم واحد حرامى سرق الملابس فواحد منهم بص وراه ملقاش الهدوم قال بس كفايه كده احنا بعدنا اوى.
--------------------------------------------------------------------------------------
محشش يهني بالعيد :بمناسبة أعياد تحرير سيناء أتمنى لكم رحلة ممتعة جعلها الله ولادة ميسرة وانتصارا لفريقنا القومي وشفاكم الله و عافاكم مع خالص تمنياتنا بالنجاح و التوفيق للسيد الوالد في الامتحانات ولا أراكم الله مكروها في عزيز لديكم.
---------------------------------------------------------------------
الرئيسية 
